Një kamion është përmbysur në një autostradë në Poloni, duke derdhur ton çokollatë të lëngshme në rrugë.
Televizioni TVN24 tregoi imazhet e një kamioni të përmbysur të rrethuar nga çokollata ngjyrë kafe që mbulonte gjashtë korsi në autostradën A2, duke bllokuar trafikun në të dy drejtimet.
Zyrtarët e shpëtimit thanë se çokollata e lëngshme ishte ngurtësuar dhe do të kërkonte sasi të mëdha të ujit të nxehtë për t’u pastruar.
Brigadier i lartë Bogdan Kowalski u shpreh se: “ftohja e çokollatës është më e keqe se bora”.
Ai shtoi se: “Edhe njollat e naftës janë më të shpejta dhe më të lehta për t’u hequr, sesa çokollata”.
TVN24 publikoi pamjet nga vendi i aksidentit, teksa shoferi u dërgua në një spital me krahun e thyer.
Aksidenti ndodhi në mëngjes, kur nuk kishte trafik dhe askush tjetër nuk u lëndua./a.ç
