Një avion i vogël është rrëzuar këtë të hënë, më 27 prill, pak pasi u ngrit nga Aeroporti Crystal, në veri të Minneapolis, duke shkaktuar vdekjen e një ligjvënëseje nga Dakota e Veriut dhe të pilotit.
Mediat amerikane raportojnë se ligjvënësja Liz Conmy, nga Fargo, ishte në bord kur ndodhi aksidenti, konfirmuan kolegët e saj politikë.
Partia Demokratike-Nonpartizane e Dakotës së Veriut konfirmoi vdekjen e saj në një reagim publik, duke e cilësuar atë si një mbrojtëse të arsimit publik, mjedisit dhe transparencës.
“Jemi plotësisht të zemëruar dhe të shkatërruar nga humbja e Përfaqësueses Liz Conmy. Vdekja e saj është një humbje e thellë për shtetin tonë,” tha partia në një postim në X.
Autoritetet thanë se policia u njoftua për aksidentin rreth orës 11:51 dhe e gjeti avionin të rrëzuar dhe të përfshirë nga flakët në një park në qytetin Brooklyn Park, pak pas ngritjes.
Administrata Federale e Aviacionit bëri të ditur se në avion ndodheshin dy persona, ndërsa Bordi Kombëtar i Sigurisë së Transportit ka nisur hetimet për të zbuluar shkaqet e aksidentit.
