Roma-Liverpul është gjysmëfinalja e mbrëmjes së sotme që do të luhet në “Olimpico”.
Një sfidë që pritet të dhurojë mjaft emocione ku Liverpuli është më favorit për tu kualifikuar për në finale pasi ka arritur që të fitojë në ndeshjen e parë me rezultatin 5-2.
Megjithatë, Roma pritet të jap më të mirën për të marrë maksimumin nga ky takim.
Më poshtë do të keni mundësi të ndiqni me Video nga TemA rastet më të mira të kësaj ndeshje.
Formacionet zyrtare.
Roma: Beker, Naingolan, Pelegrini, Dzeko, Kolarov, Shik, De Rossi, Fazio, Florenzi, Manolas, El Sharaui
Liverpul: Karius, Van Dijk, Uijnaldum, Lovren, Milner, Firmino, Salah, Henderson, Mane, Robertson, Arnold
GOL! Roma kalon në epërsi me anë të Naigolan që shënoi një gol fantastik nga distanca
Minuta 80′, Edin Dzeko i afrohet golit të epërsisë por ndalet mrekullisht nga portieri i Liverpulit
Minuta 62′, E pafat Roma për të gjetur golin e avantazhin me anë El Sharaui i cili nuk e dërgoi dot topin në fund të rrjetës pas një rrëmuje në zonë
GOL! E nis në mënyrën më të mirë Roma pjesën e dytë duke barazuar rezultatin me anë të Dzekos që tregohet i saktë në goditjen e tij brenda zonës
Minuta 34′, Shtylla i mohon golin e barazimit Romës pas një goditje të bukur të El Sharaui
GOL! Liverpuli kalon sërish në epërsi me anë të Uijnaldum që përfitoi nga një gafë e mbrojtjes së Romës duke mposhtur Beker
GOL! Barazon gjithçka Roma falë një autogoli të shënuar nga lojtari i Liverpulit James Milner
GOL! Liverpuli zhbllokon rezultatin e ndeshjes me anë të Mane i cili i vetëm përballë portierit nuk gabon duke e dërguar topin në fund të rrjetës
Minuta 5′, Florenzi krijon rastin e parë të rrezikshëm të ndeshjes duke tentuar me nje goditje të rrezikshme nga distanca, por gjuajtja e tij përfundon jashtë kuadratit
Ekzekutohet himni i “Champions League” nën një atmosferë të mrekullueshme të krijuar në “Olimpico”
