Ura e Darëzezës, e cila u shemb pak ditë më parë si pasojë e një kamionçine, është rindërtuar dhe nga sot është funksionale, që banorët e zonës të lëvizin lirshëm.
Forcat xheniere të ushtrisë përfunduan sot ndërtimin e urës metalike “Bailey”.
Këtë të shtunë në Darëzezë ka qenë edhe vetë zv.ministri i Mbrojtjes Petro Koçi, i cili ka testuar urën e re, hipur mbi një mjet të ushtrisë, siç shihet në videon që publikon “Panorama”.
Kujtojmë se ura provizore në Darzezë u shemb më 3 qershor, për shkak se në të kaloi një kamion me peshë 50 ton, ndërkohë qe kapaciteti mbajtës i urës ishte 15 ton.
