Reshjet e dendura të shiut të cilat kanë përfshirë Qarkun e Lezhës kanë shkaktuar probleme edhe në qytet.
Në këtë video të siguruar nga Shqiptarja.com duket vërshimi i ujit nëpër rrugë e qytetit të Lezhës. Rryma ka hyrë edhe në biznese duke përmbytur edhe dyqane e lokale, si pasojë e bllokimit të kanalizimeve. Probleme ka pasur në lagjen “11 Janari” dhe “Besëlidhja”. Vështirësi janë krijuar edhe për këmbësorët për shkak se uji ka arritur deri në 20 centimetra, duke i bërë rrugët të pakalueshme siç duket në videon e publikuar nga Shqiptarja.com.
/a.m.
