Disa video të publikuara në rrjetet sociale tregojnë njerëz në Aleppo, Siri, duke rrëzuar statujën e vëllait të vdekur të presidentit sirian Bashar al-Assad, Bassel al-Assad dhe bustin e Hafez al-Assad, babait dhe paraardhësit të ndjerë të Basharit.
Të dy momentet ndodhën kur forcat e opozitës siriane morën kontrollin e pjesës më të madhe të qytetit të dytë më të madh të vendit, Aleppo.
Një aleancë rebele nisi një sulm të befasishëm këtë javë, duke rindezur një konflikt që kishte qenë kryesisht statik prej vitesh.
Kjo është hera e parë që rebelët sirianë kanë shkelur në Aleppo, që kur forcat qeveritare rifituan kontrollin gjatë luftës civile në vitin 2016.
Videot brenda pak minutash janë bërë virale dhe tregojnë edhe një herë se si lufta civile në Siri akoma nuk ka përfunduar.
