Kryeministri Edi Rama vizitoi sot mjediset e reja të shkollës së mesme profesionale “Beqir Çela” në Shkozet. Rama tha se kjo është një nga shkollat më të mëdha në Shqipëri ku studiojnë të rinj nga i gjithë vendi.
“Është një nga shkollat më të mëdha në Shqipëri që ka të rinj dhe të reja që vijnë nga e gjithë Shqipëria, jo vetëm nga Durrësi. Vitin e kaluar ka patur 1600 të rinj që kanë studiuar këtu dhe presim që këtë vit të ruajmë të njëjtin nivel,” -u shpreh zëvendësministrja e Arsimit, Dajna Sorensen.
Zëvendësministra e Arsimit, Dajna Sorensen u shpreh se tashmë shkollat profesionale po synohen nga nxënësit me nota më të mira.
Nga ana tjetër kreu i qeverisë në rrjetin social “Facebook”, shkruan se shkollat profesionale janë një shtysë e fuqishme për të ecur më shpejt përpara.
“VIJON NXITJA E ARSIMIT PROFESIONAL dhe rezultatet inkurajuese të reformës së kësaj fushe kritike për të ardhmen e ekonomisë, janë një shtysë e fuqishme për të ecur më shpejt përpara💪
Sot në shkollën e mesme profesionale “Beqir Çela” në Shkozet, pas rindërtimit të njërës nga godinat dhe vijimit me godinën tjetër, bazën prodhuese e konviktin, për t’iu përgjigjur fluksit në rritje të nxënësve që i drejtohen arsimit profesional👌
#ArsimiqëDuam📚👫🛠
#ShqipëriaqëDuam☀🇦🇱“, shkruan Rama.
g.kosovari
