Riparimi i pallateve me dëmtime të rënda DS4 në Durrës është drejt përfundimit. Kështu tha kryeministri Edi Rama ditën e sotme gjatë inspektimeve në Durrës, ku vijon puna për rindëritimin e pallateve dhe banesave të dëmtuara gjatë tërmetit të 26 nëntorit.
“Ne mund ti konsiderojmë të mbyllura të gjitha projektet e zbatimit DS4. Pak a shumë po”, tha Rama.
Duke theksuar se kanë përfunduar projektet më të vështira, Rama tha se ajo që ka kaluar është me e gjatë se ajo çfarë mbetet për t’u pritur për përfundimin e rindërtimeve.
“E rëndësishme është që kanë përfunduar këto projekte se këto ishin gjëja më e vështirë. Besoj që mund të themi se çfarë ka kaluar është shumë më e gjatë se çfarë mbetet për tu pritur”, nënvizon kryeministri.
Ministri i Rindërtimit Arben Ahmetaj i cili shoqëronte Ramën në këtë inspektim tha se nuk ka pasur probleme me financimin.
“Ka filluar loti i parë me abu dabin. Skemi probleme me financimin. 280 mln dollarë në buxhet që janë alokuar dhe financimi vazhdon normalisht. Të gjithë donatorët janë në punë”, shtoi Ahmetaj./m.j
