Kryeministri Edi Rama ka vijuar këtë të dielë me rubrikën e tij ku përmes videomesazheve, i përgjigjet pyetjeve të ndryshme që i dërgojnë qytetarët.
Ndër ta ka qenë edhe një studente ekselente, që shprehet se në Shqipëri e ka patur të vështirë të gjejë një vend pune. Por Rama i ka dhënë menjëherë lajmin e mirë, duke konfirmuar se ajo tashmë është pjesë e stafit të Ministrisë së Drejtësië, derisa të aplikojë më pas në Administratën Publike në vendet vakante që do të hapen.
Ndër të tjera kreu i qeverisë u ndal tek nisma për amnistinë fiskale ku emigrantët mund të deklarojnë paranë e vënë nga puna në të zezë, ndërsa theksoi se do të bëhet shumë shpejt realiteti.
“Jam i vetëdijshëm që lehtësimi i bërë për bizneset është i madh. Po punojmë me ekspertizë ndërkombëtare, pasi jam i bindur pasi njerëzve si ti, që janë dhjetra mijëra së kanë kursyer në emigracion dhe për më tepër ata që kthehen në Shqipëri, duhet t’u japim mundësinë për amnistinë fiskale. Durim, pasi punët e mira duan mundin. Ki besim se më shpejt se vonë edhe këtë instrument do ta kesh gati.”, tha Rama.
/e.rr
