Pasditen e sotme, kryeministri Edi Rama do një takim informal me ministrat e rinj të qeverisë në Velipojë dhe vjen pak kohë para dekretimit të ministrave nga presidenti Meta.
Në vendin ku do mbahet takimi kanë mbërritur disa nga figurat e Partisë Socialiste, siç është ministri i Brendshëm Fatmir Xhafaj, Pandeli Majko, Lindita Nikolla dhe Gramoz Ruci.
Menjëherë pas tyre ka mbërritur edhe kryeministri Edi Rama, ku ajo që ra në sy ishte veshja e tij. Ai ka zgjedhur të veshë një këmishë të zezë, kombinuar me tuta të zeza dhe çorape të kuqe.
Kujtojmë se ky është takimi i dytë i Ramës më ministrat e kabinetit të ri, pas takimit të parë në Llogara. Në takim pritet të diskutohet mbi planin e punës me te cilin do të nise qeveria ‘Rama 2’.
Presidenti i Republikës Ilir Meta ka dekretuar thirrjen e seancës së parë të Kuvendit të Ri të dalë në zgjedhjet e 25 qershorit, i cili do mblidhet ditën e shtunë në datë 9 shtator 2017 në orën 10:00.
Në seancën e parë të Kuvendit, pritet të ngrihet Këshilli i Verifikimit të Mandateve, i cili del me një raport të posaçëm për konstitutimin e Kuvendit të ri dhe verifikimin e mandateve të deputetëve të dalë nga zgjedhjet.
