Nga deti dhe ajri po zhvillohet një operacion kërkimim shpëtimi. Portali Lexo.al mëson se sot rreth orës 06.00 shtetasi Fatjon Jahaj ka informuar policinë kufitare se babai i tij, shtetasi Adrian Jahaj është nisur nga Italia drejt Shqipërisë me një skaf privat.
Në distancën 10 milje në veriperëndim të Sazanit dhe në grykëderdhje të Vjoses i ka mbaruar karburanti dhe ka kërkuar ndihmë. Policia kufitare ka kërkuar ndihmë tek QNOD, duke vënë në lëvizje të menjëhershme Forcën Detare, e cila ka nisur për ndihmë dy anije, njërën nga Sazani dhe anijen tjetër nga Pashalimani.
Për shkak të kushteve atmosferike operacionin në det e vijon vetëm anija ORIKU, sic edhe shihet në videot e siguruara ekskluzivisht nga Lexo.al. Për shkak të kushteve të këqija atmosferike është kërkuar ngritja e një helikopteri COUGAR që aktualisht është pjesë e operacionit të kërkim shpëtimit.
