Nga sot Sarandës i është rikthyer gjallëria e munguar prej javësh. Qytetarët kanë më shumë liridalje, për shkak të qenit zonë e gjelbërt.
Të moshuarit të cilët e kanë orarin e tyre të levizjes nga ora 06:00 deri në 08:30, e kanë zbatuat atë me përpikmëri dhe përshëndesin vendimin e qeverisë për liridaljen e tyre.
Nga ana tjetër prej orës 09:30 deri në 17:30 qytetarët, por dhe automjetet do të mund tw lëvizin pa autorizim.
Bizneset e hapura sot janë shtuar në numër, kryesisht dyqanet e aksesorëve dhe të rrobave shprehen jashtë kamerave se malli i pranverës nuk shitet më, sepse sezoni i pranverws kaloj, kurse për furnizim e kanë të pamundur për shkak të mbylljes së kufijeve.
Një pjesë e dyqaneve kanë nxjerr tabelat e likujdimit total.
Nga sot kanë filluar punë edhe taksistëtx por jashtë mamerave shprehen se: Kanë dalë, po nuk kanë kërkesa shërbimi.
Shërbimet policore monitorojnë kryesisht vijën e plazhit ku sot është bosh.
Pas orës 17:30 sarandiotët do t’i rikthehen normalitetit të javëve të fundit, në shtëpi.
Në rajonin e Sarandës totali i personave të testuar është 124 dhe kanë rezultuar negativ.
Edhe në Gjirokastër dhe gjithë qarkun qytetarët kanë shijuar “lirinë”.
Ata kanë përshëndetur vendimin për lehtësimin e masave, duke shpresuar që ky virus të largohet sa më shpejt.
Ashtu si rajoni i Sarandës, edhe qarku Gjirokastër nuk ka të shënuar asnjë rast me COVID-19./ Sarandanews.com/
g.kosovari
