Ndaj një spitali në Teksas janë ngritur dyshime të forta nga ana e mediave amerikane, pasi pretendohet se punonjësit e kujdesit shëndetësor kanë marrë një vaksinë false anti-Covid.
Javën e kaluar, pesë punëtorë të vijës së parë u lajmëruan se do të vaksinoheheshin duke transmetuar të gjithë procesin e vaksinimit ‘live’ nëpër media.
Një video, e cila po qarkullon me shpejtësi në rrjet, tregon momentin kur njëri prej infermierëve, Ricardo Martinez po vaksinohet, por vihet re që shiringa është bosh.
“Është më se e qartë që shiringa ishte bosh. Ne nuk mashtrohemi!”, ka shkruar Barbara Siira, një qytetare.
“Shiringa është bosh, djali nuk e shtyu shiringën aspak”, shkroi një kritik tjetër, Aaron Isaac Hernandez.
“Thjesht për shfaqje. Padyshim që nuk po vaksinohet”, komentoi një përdorues tjetër i Facebook.
Pas konferencës për shtyp, Martinez tha se ishte krenar dhe ndihej më i sigurt tani që mori vaksinën anti-Covid.
UMC pranoi që një nga punëtorët nuk e mori të gjithë vaksinën dhe për të shuar dyshimet e kritikëve ata i dhanë një të dytë.
“Pasi raporte të shumta u shfaqën në mediat sociale që pretendonin se një nga pesë infermierët që morën një vaksinë të martën nuk mori një dozë të plotë të vaksinës, ne duam të heqim çdo dyshim të ngritur se ai nuk ishte vaksinuar plotësisht dhe të forcojmë më tej besimin në procesin e vaksinimit”, – njoftuan drejtuesit e spitalit.
/a.r
