Eksperiementet e Thomas Tuchel nuk kanë rezultat! PSG humbet me vendin e fundit Dijonin në transfertë me rezultatin 2-1. Një sfidë e madhe për vendasit që do ta mbajnë mend gjatë, ndërsa një njollë e madhe për kampionët që mposhten nga një skuadër që lufton për mbijetesë.
Takimi u dominua nga djemtë e Thuchel që kishte bërë shumë eksperimente i detyruar dhe nga dëmtimet e shumta, por që nuk dhanë rezultat.
Francezët fituan e nisën ndeshjen mirë, pasi shënuan gol që në minutën e 19′ me Mbappen. Djaloshi i artë mori një top të mirë nga Angel Di Maria dhe nuk fali për 0-1. Pjesa e parë pati një fund të çmendur, pasi u akorduan 6 minuta shtesë të detyruara nga dy zëvendësime për dëmtime të vendasve.
Dijoni mori forcë dhe arriti të barazonte në të 45’+6′ me anë të Chouiarit. Ky i fundit shfrytëzoi përgjumjen e mbrojtjes.
Pjesa e dytë nisi aty ku ndaloi e para me gol të Dijonit. Mbrojtja skandaloze e PSG-së bën që Cadiz të bëjë rolin e “Messit”.
Ai shmang mbrojtësit brenda zonës dhe me një gjuajtje mposht Navasin. Portieri nuk reagon mirë, pasi topi i futet mes shalëve në krahun e tij të portës.
Tuchel u mundua të ndryshonte diçka duke aktivizuar dhe Cavanin së bashku me Icardin, Mbappenë dhe Di Marinë, por pa efekt. Përfundimisht, një fitore e madhe e Dijonit./telesport
g.kosovari
