Në çdo paraqitje të saj ndërkombëtare, Presidentja e Kroacisë, Kolinda Grabar Kitaroviç, merr vëmendjen e gjithë botës për një veprim a një tjetër. Në rrjetet sociale po qarkullon së fundmi një video ku ajo shihet duke ndihmuar gazetaren që po e intervistonte, të rregullojë flokët. Kitaroviç ishte duke u bërë gati për një lidhje direkte në televizionin shtetëror kroat nga New York-u, kur ka kryer këtë veprim për gazetaren.
Në videon e cila nuk është transmetuar direkt në programin e televizionit kroat, por në Twitter shihet se me të vërtetë presidentja është përkujdesur për dukjen e gazetares.Komentet në këto pamje për presidenten janë të gjitha pozitive duke e vlerësuar gjestin e Presidentes së Kroacisë dhe duke e quajtur atë “mbretëreshë”. /ma.me
