Kualifikimi historik që arriti Roma përballë Barcelonës duke fituar me rezultatin e 3-0, e gëzoi aq shumë presidentin verdhekuq, sa ai u hodh në një shatërvan duke festuar. Ky gjest u dënua nga kryetarja e Bashkisë së Romës, Virxhinia Raxhi duke gjobitur me 500 euro të presidentin Xhejms Palota, pasi hedhja në shatërvan është cilësuar si një gjest jashtë etikës dhe një shembull jo i mirë për pjesën tjetër të popullit.
Vendimi i kryebashkiakes së Romës për t’u gjobitur, është pritur mjaft mirë nga vetë presidenti Palota, i cili në shenjë “pendimi” për gjestin ka vendosur të paguajë jo 500 euro por 230 mijë euro, të cilat do të përdoren për të restauruar shatërvanin.
Në një prononcim në lidhje me gjobën, presidenti Palota u shpreh se e ka merituar atë gjobë dhe nuk od që të jetë një shembull i keq për të tjerët.
“Dua të falënderoj kryetaren e bashkisë për gjobën që më vendosi pasi unë e kam merituar atë. Nuk duhet që të bëjmë sjellje të tilla në publik prandaj kam vendosur të jap një fond prej 230 mijë eurosh të cilat do të përdoren për restaurimin shatërvanit”, u shpreh presidenti i Romës. /ma.me
