Presidenti sirian Bashar al-Assad e ka celebruar me një propagandë të fortë suksesin e tij të pjesshëm ndaj një periferie të Damaskut të kontrolluar nga rebelët, duke ngarë vetë një veturë Honda Civic drejt enklavës në fjalë.
Pas bombardimit të Ghoutas Lindore që shkatërroi shumë prej mbrojtjeve të rebelëve, Assadi e filmoi udhëtimin e tij për t’u takuar me forcat qeveritare, në një demonstrim të qartë të forcës së regjimit.
Truprojat nuk shihen gjëkundi, Assadi niset nga qendra e Damaskut dhe udhëton ndërmjet rrethrrotullimesh, kalon pranë taksive e kalimtarëve, në dukje pa u vënë re.
“Po shkojmë në Ghouta, për të parë situatën,” thotë Assadi në fillimin e njërës prej tetë videove të publikuara nga media sociale zyrtare e presidencës siriane të dielën natën.
Sipas Kombeve të Bashkuara, mbi 1,000 njerëz janë vrarë gjatë një sulmi të qeverisë në një enklavë rebele, një prej zotërimeve të fundit të opozitës në vend. Dhjetëra mijëra njerëz janë shpërngulur drejt zonave të kontrolluara nga qeveria.
Operacionet detyruan ndërhyrjen ndërkombëtare. Këshilli i Sigurimit i OKB-së votoi unanimisht për armëpushimin, gjë e cila u shkel menjëherë si nga qeveria ashtu ehde nga rebelët. Presidenti i Rusisë Vladimir Putin – mbështetësi më i fuqishëm i Assadit – urdhëroi një ndërprerje njëditore të luftimeve për arsye humanitare, por edhe ajo u injorua.
Assadi nuk përmend agsjë nga këto në video. “Inshallah, më e mira është që çdo gjeë të çlirohet pa luftime” – tha Assadi teksa kalon nëpër fusha të gjelbra të mbushura me shtëpi të shkatërruara. /ma.me
