Mediat e huaja kanë publikuar pamjet e presidentit amerikan Joe Biden, i cili rrëzohet teksa ngjit shkallët e avionit Air Force One në Alabama.
‘New York Post’ thekson se kjo është hera e pestë që Joe Biden rrëzohet në shkallët e aeroplanit presidencial, ku incidenti më i fundit ndodhi disa javë më parë, kur ai po largohej nga Polonia pas udhëtimit në Ukrainë.
Duke u ndalur tek rrëzimet e shpeshta në publik, mediat amerikane ngrenë pikëpyetje mbi gjendjen shëndetësore të presidentit amerikan.
Këto aksidente kanë shkaktuar reagimin e republikanëve, të cilët akuzojnë Joe Biden se nuk ka aftësinë mendore dhe fizike për të qenë në postin e presidentit të SHBA-ve.
Mjeku i Biden në raportin e tij prej pesë faqesh mbi gjendjen shëndetësore të presidentit deklaroi në shkurt se presidenti kishte “artrit të lehtë pas frakturës së këmbës dhe neuropati të lehtë periferike ndijore të këmbëve”.
