Deputeti i Partisë Demokratike Agron Shehaj ishte sot i ftuar në emisionin “Rudina”, në Tv Klan.
Me një karrirë të suksesshme në sipërmarrje, prej qershorit të vitit 2017-të ai është deputet dhe përfaqëson qarkun e Vlorës.
Që në minutat e para të emisionit, Shehaj iu përgjigj me sinqeritet pyetjes nëse është penduar që është futur në politikë.
“Ka shumë momente kur pendohem, por ky është vetëm fillimi. Kështu ishte edhe në biznes fillimi”, tha Shehaj.
