Rrugët e vendit popullarizohen gjithnjë e më tepër nga shoferë të papërgjegjshëm që bëhen burim aksidenti për vete dhe për përdoruesit e tjerë të akseve.
Së fundmi policia ka prangosur 16 drejtues mjetesh dhe ka pezulluar 86 patenta.
9 prej shtetasve të arrestuar, janë shoqëruar për drejtim mjeti në gjendje të dehur dhe 7 prej tyre për drejtim mjeti të papajisur me leje drejtimi.
Ndër të tjera, policia njofton:
“Kontrollet policore sipas “Operacioneve Tispol” Korrik 2018, përgjatë fundjavës në kryeqytet pasuan operacionin e dytë për këtë javë, pas atij të realizuar në fillim jave, me fokus kontrollin e normave të shpejtësisë si jashtë dhe brenda qendrave të banuara, nivelin e përdorimit të alkoolit nga drejtuesit e mjeteve, maturimet e detyrimeve administrative të pashlyera si dhe garat me shpejtësi në disa zona të caktuara të kryeqytetit.
Nga kontrollet policore të ushtruara në fundjavë, janë :
• Arrestuar në kushtet e flagrancës 16 shtetas për drejtim mjeti në mënyrë të parregullt, nga të cilët :
a) 9 shtetas për drejtim mjeti në gjendje të dehur
b) 7 shtetas për drejtim mjeti të papajisur me leje drejtimi
• 68 leje drejtimi të pezulluara, nga të cilat :
a) 27 për shpejtësi tej normave të lejuara
b) 30 për pije alkoolike
c) 7 për mosbindje ndaj shenjës së ndalimit të punonjësit të policisë
d) 4 për qarkullim në sens të kundërt me atë të lejuar
• 12 drejtues mjetesh janë proceduar për mosrregullim shpejtësisë në qendrat e banuara dhe gara me shpejtësi, nga të cilët 3 raste kanë rezultuar nën efektin e alkoolit.
• 75 mjete të ndaluara administrativisht, nga të cilët 27 prej tyre edhe me mangësi në dokumentacionin e nevojshëm për qarkullim.
• 645 masa administrative janë vendosur për shkelje të tjera të Kodit Rrugor.
Policia Rrugore e Tiranës apelon për respektimin e rregullave të qarkullimit rrugor jo vetëm nga drejtuesit e mjeteve, por edhe nga këmbësorët”, nënvizon policia.
a.ç
