Ministria e Punëve të Brendshme ka lançuar një tjetër nismë për të ulur numrin e aksidenteve. Dy efektivë të policisë rrugore janë ngjitur në skenën e një lokali nate të mbushur me të rinj, dhe për pak minuta kanë tërhequr vëmendjen e tyre.
Ndryshe nga sa mund të mendohet fillimisht, kjo ka ndodhur thjesht për sensibilizim. Policët kanë përcjellë mesazhin, që synon të ulë numrin e aksidenteve, sidomos në sezonin veror.
Në ekranin e madh që shfaqte klipet e këngëve më të njohura në pub, për pak minuta dominoi mesazhi “Mos i jep makinës nëse ke pirë alkool”.
