Një makinë tip fuoristradë është gjendur mëngjesin e sotëm në detin e Vlorës.
Policia dyshon se ky automjet me targa të huaja është përdorur për qëllime droge.
Automjeti ka targën dh 7863, ndërsa nuk dihet ende pronari i saj.
“Automjeti ndodhet brenda në ujë dhe përreth tij deri tashmë nuk vërehet të ketë ndonjë material të kundraligjshëm. Në bashkëpunim me Policinë Kufitare, po punohet për nxjerrjen nga uji të këtij mjeti”, – thotë policia në njoftim. Edhe në dhjetor të 2015-s, një fuoristradë u gjet nga policia në mes të detit. Në atë kohë u fol se automjeti mund të ketë qenë duke tërhequr ndonjë gomone. /express/