Një police ka arritur t’i shpëtojë jetën një gruaje që ishte viktimë e dhunës në familje. Gruaja po goditej me thikë para apartamentit të saj në Las Vegas nga i dashuri, kur në momentin më kritik ndërhyri policja. Në pamjet e filmuara nga kamera e vendosur në uniformën e polices Daniell Cino, shihet se si ajo urdhëron sulmuesin William Fuller, të hedh në tokë thikën, por 30-vjeçari nuk iu bind urdhrave, por tentoi të sulmonte edhe atë.
Megjithatë, kjo bëri që policja të qëllojë në drejtim të tij, duke i shkrepur dy plumba. Edhe pse u dërgua me urgjencë në spital agresori nuk arriti të mbijetonte. Ndërkaq gruaja që po goditej me thikë nga i dashuri i saj fatmirësisht arriti t’i mbijetojë edhe pse mori plagë të shumta. Sipas raportit të policisë, sulmi kishte filluar brenda apartamentit por viktima kishte arritur të dalë jashtë, ku edhe kishte ndodhur therja me thikë. Ishin fqinjët ata që lajmëruan forcat e rendit. /ma.me
