Një grua shfaqet në një video duke dhunuar një punonjëse seksi, pasi kjo e fundit kryente marrëdhënie me bashkëshortin e saj. Videoja në fjalë është publikuar edhe nga Daily Mail.
Sipas asaj që shkruajnë mediat, gruaja hyri në një bordello dhe siç shikohet nga pamjet dhunon prostitutën duke e goditur me shuplaka. Kjo ngjarje ka ndodhur në Phuket të Tajlandës. Ajo kishte parë në celularin e partnerit të saj foto të të dyve. Të mërkurën, gruaja e kishte ndjekur burrin, i cili ishte futur në një qendër masazhesh.
Kur gruaja u fut brenda në dhomë, burri tradhtar ishte larguar, por pa aty një vajzë e cila qëndronte ulur në një karrige. Siç shkruhet në media, gruaja e ka goditur vajzën për rreth 5 minuta. Në një moment ajo kërkon që të marrë celularin e prostitutës dhe e tërheq nga flokët. E gjithë ngjarja është parë nga disa gra që kanë qëndruar në këmbë dhe nuk kanë ndërhyrë.
Vajza e re dëgjohet të kërkojë falje. “Nuk e dija që kishte grua. Nuk do ta shikoj më”, thotë ajo.
Tashmë ngjarjen po e heton policia. Incidenti është shënuar në një ishull që njihet për plazhet e bukura, por edhe për jetën e natës të tërbuar.
“Askush nuk e njeh qendrën e masazhit. Po hetojmë ku ndodhi incidenti. Nuk ka pasur ndonjë ankesë tjetër, por inkurajon viktimën që ta raportojë në polici. Do ta hetojmë me urgjencë”, tha një oficer policie.
Ndërkohë një avokat është shprehur se sulmi që ka bërë gruaja e martuar është një vepër kriminale.
“Mendoj që sulmi është i rëndë sepse janë disa persona në dhomë që dëshmojnë goditjen dhe zhveshjen e vajzë. Është e pafalshme që vajza është zhveshur. Duhet të hetohet”, tha një avokat.
