Piceritë, shitësit e farave e të kokoshkave urojnë të ketë protesta çdo ditë pasi sot rezultoi si biznesi që ka bërë më shumë shitje.
Siç e shihni dhe në imazhet që po sjellim, këto kuti me pica të porositura nga piceritë e kryeqytetit do shuajnë urinë e protestuesve demokratë. Numërohen mbi 30 kuti me pica siç duket në videon e siguruar nga Report TV. Ushqimi u nda mbrapa podiumit ku u mbajtën fjalimet e demokrateve në protestën e sotme.
Ndërkaq, sheshi është mbushur plot me letra me të cilat protestuesit kishin mbështjellë farat e lulediellit si dhe kokoshkat, të cilat i siguruan nga shitësit ambulantë aty rrotull. Shumë kausha u konsumuan teksa kryetari i PD, Lulzim Basha mbante ligjëratën për revolucion./a.m.
