Trejsi Sejdini është bërë fillimisht e njohur për shkak të një videoje sherri në qytetin e Elbasanit, ku një grup të rinjsh dhunonin një adoleshente.
Në atë kohë, “Miss Universe Albania 2018”, tha në “Top Show” se i vinte turp nga vetja kur e shihte atë video. Madje ajo shtoi se kishte qenë në moshë të vogël kur ka ndodhur sherri.
Por një skenë e tillë u përsërit sërish. Teksa ajo ishte në një club në Tiranë, Trejsi u shfaq duke qëlluar me shishe në nerva e sipër.
Kjo ishte hera e dytë që miss-i përfshihej në një sherr publik dhe duket se s’ka ndërmend të ndalet me kaq.
Në një video ekskluzive për “Iconstyle”, Trejsi shfaqet duke u përfshirë në një sherr të dhunshëm në njërin prej club-eve të Sarandës.
Gjithçka ka ndodhur mbrëmjen e kaluar dhe siç mund ta shihni në video, 19-vjeçarja dhe mikesha e saj, të veshura njësoj, janë përleshur me një vajzë.
