Qyteti i Shkodrës mbrëmjen e djeshme është përfshirë nga reshje intensive të shiut. Për 2 orë me radhë, shiu i rrëmbyeshëm nuk është ndalur duke krijuar probleme në disa akse të qytetit.
Pedonalja e Shkodrës, mbrëmjen e djeshme i ka ngjarë një lumi të rrëmbyeshëm për shkak të mos funksionimit dhe mos përballimit të reshjeve nga kanalizimet.
Nga pamjet e filmuara nga pedonalja, Shkodra si Venecia. Mëngjesin e sotëm, situata është rikthyer normalitetit.
Si pasojë e motit të keq problematika ka pasur fshatra. Raportohet se dhjetra hektar tokë janë përmbytur dhe disa banesa kanë pësuar dëme.
Po ashtu në rrugën e zonës turistike të Shirokës pranë liqenit të Shkodrës gjatë natës ka patur probleme me rrëshqitjet e dheut duke vështirësuar kështu qarkullimin rrugor.
g.kosovari
