Një kamion që transportonte tulla ka dalë jashtë rruge në kryqëzimin e Savrës, duke bërë që trafiku në autostradën Lushnje-Fier të rëndohet.
Kamioni ka manovruar pasi një mjet ka hyrë në parakalim të gabuar.
Për të shmangur përplasjen drejtuesi i kamionit ka devijuar kamionin jashtë karrexhatës dhe një pjesë e ngarkesës ka rënë në rrugë.
Policia Rrugore ka shkuar në vendngjarje dhe po disiplinon trafikun ndërsa punonjësit e zjarrfikëses po heqin nga rruga mbetjet e tullave që janë rrezik për qarkullimin.
Për pasojë qarkullimi në autostradën Lushnje-Fier është i ngadaltë nën mbikëqyrjen policisë rrugore.
