Një ngjarje e rëndë ka nodhur në Bosnje ku të përfshirë janë antërët e peshëngritjes shqiptare. Një delegacion i dërguar nga Federata Shqiptare e Peshëngritjes kishte marrë pjesë në Bosnje për një turne dhe aty ka ndodhur ngjarja e rëndë ku janë sulmuar me thikë.
Federata ka bërë me dije se Dashamir Caika, presidenti i klubit të Kamzës, ka sulmuar me thikë trajnerin e ekipit Kombëtar, Bashkim Nikolla, si dhe sportistin Bekim Gripshi.
Eshte vetë Federata që me anë të një komunikate zyrtare, publikon videon dhe denoncon këtë ngjarje duke përmendur edhe emra konkretë.
Komunikata zyrtare e Federatës Shqiptare të Peshëngritjes:
“Në këtë status do të gjeni videon e Z.Dashamir Caika duke sulmuar dhe dhunuar me thikë trajnerin e Ekipit Kombëtar Z.Bashkim Nikolla dhe sportistin e tij Z.Bekim Gripshi.
Në atë aktivitet Z.Bashkim ka qenë shef i delegacionit për aktivitetin në Bosnje. Pasi Z.Dashamir ka kërkuar të jetë pjesë e këtij aktiviteti me sportistë që nuk e meritonin dhe federata e ka kundërshtuar këtë kërkesë.
Z.Dashamir ka sulmuar me thikë Bashkim Nikollën dhe Bekim Gripshin duke menduar se Z.Nikolla ka refuzuar kërkesën e tij. Bëjmë me dije opinionin publik se këto video do të paraqiten ditën e hënë në Prokurori dhe u kërkojmë organeve të drejtësisë të marrë masa përsa i përket kësaj çështjeje tejet serioze.
Bëjmë me dije Z.Rakip Suli në cilësinë e kryetarit të Bashkisë Kamëz, Komitetin Olimpik dhe Presidentin e saj Z. Fidel YIli dhe organet kompetente për këtë çështje. Këta njerëz dhunues, të inkriminuar dhe dashakeqë të heqin duart nga sporti dhe vendi ynë.”-shkruan Federata./m.j
