Goli i Toni Kros ka bërë që te Gjermania të shpërthejnë festimet pasi Botërori është përsëri në dorën e tyre dhe kalimi i turit mëse i mundshëm. Por menjëherë pasi mesfushori dërgoi topin në rrjetë, stafet e dy skuadrave u kacafytën me njëra-tjetrën.
Në rrjetet sociale kanë filluar të qarkullojnë pamjet e atij momenti dhe kuptohet se fajtorë për këtë veprim të turpshëm janë anëtarët e stafit teknik të Gjermanisë të cilët shkuan të festonin para syve të homologëve suedezë në një gjest të turpshëm antisportiv.
Uli Beghlau, një nga zyrtarët e Federatës Gjermane që gjendej në stol, bashkë me zëdhënësin për shtyp Uli Voigt, shkuan para stolit të Suedisë duke u bërë me shenja suedezëve dhe duke duartrokitur për t’i provokuar. Si përgjigje, ata u sulmuan nga stafi i Suedisë dhe u desh ndërhyrja e Oliver Bierhof, një truproje të Federatës Gjermane dhe gjyqtarit të katër që situata ët qetësohej.
“Nuk duhet të tallesh me kundërshtarin me të cilin ke luftuar për 95 minuta.
Kjo është sjellje e mentaliteti të dobët nga ana e tyre”, ishin fjalët pas ndeshjes të trajnerit suedez Anderson i cili mori pjesë në këtë kacafytje.
Emil Forsberg ishte edhe më i ashpër. “Ajo është një mungesë respekti, një sjellje e shpifur”, tha lojtari i cili luan në Bundesligë./a.ç
