Një ngjarje e rëndë ka ndodhur në një kafene në qytetin lindor Ede në Holandë. Një burrë ka marrë peng të paktën katër persona (të gjithë punonjës) në kafenenë Petticoat në qytetin Ede, në Holandën lindore.
“Një kontingjent i madh policie ka rrethuar zonën në qendër të qytetit”, raportoi media holandeze.
Policia ka evakuuar rreth 150 banesa pranë lokalit, pasi personi kërcënoi se do të shpërthente eksploziv. Policia u ka bërë thirrje qytetarëve që të shmangin qendrën e qytetit, e cila ndodhet jo shumë larg Arnhemit.
Policia tha se nuk ka të dhëna për një sulm terrorist dhe se ende nuk dihet arsyeja e ngjarjes. Raportimet e para duket se janë bërë rreth orës 5:42 të mëngjesit, që do të thotë se situata e rëndë vazhdon prej orësh tashmë.
⚡️Hostage Situation in Netherlands – Bomb Squad Deployed
A masked individual has reportedly taken five hostages in a cafe or bar in the central town of Ede.
Video circulating online shows police using a robot to investigate the scene, with the suspect allegedly claiming to have… pic.twitter.com/HoxbChw0M3
— RT_India (@RT_India_news) March 30, 2024
