Një video prekëse nga fronti i luftës në Ukrainë është duke bërë xhiron e rrjetit. Një qen duket se qëndron në pritje të pronarëve të tij, ndërkohë që dyshohet se ata kanë mbetur të vdekur.
Kafsha qëndron tek mbetjet e shtëpisë, e cila u bombardua nga ushtarët rusë. Mendohet se pronarët e qenit nuk i kanë shpëtuar dot pasojave të bombave.
Në video duket qeni që qëndron i frikësuar dhe me një fytyrë shumë të trishtuar mbi rrënoja në Dnipro.
“Ai qëndron ulur, shumë i trishtuar, në cep të kraterit 20 metra, në një vend që dikur ishte shtëpia e tij”, tha Ministria e Mbrojtjes së Ukrainës e cila postoi pamjet.
/a.r
