Euronews Albania ka publikuar pamje nga serat brenda femrës, ku ditën e djeshme u gjet kanabis.
Siç shihet nga pamjet, arka të shumta ishin mbushur me lëndë narkotike, kanabis, ku sipas informaconeve të policisë, ishin 700. Ndërkohë, një pjesë e saj ishte futur nëpër qese.
Aktualisht, asgjësimi i lëndës narkotike është kryer dhe serat janë thuajse bosh. Gjithashtu, disa rrënjë kanabisi u gjetën brenda disa kubikëve.
Ndërsa, Policia e Shtetit dha një deklaratë lidhur me operacionin anti-drogë në Berat, ku u tha se u arrestuan në flagrancë 11 persona që dyshohen si organizatorë.
Pronari është një 36-vjeçar, ndërsa gratë që paketonin produktin po hetohen për të kuptuar rolin e tyre në organizatë. Ato ishin kryesisht nga zonat periferike të Tiranës.
Policia e Shtetit dha një deklaratë lidhur me operacionin anti-drogë në Berat.
Në njoftim u tha se policia dispononte informacion për serën që përdorej për prodhim dhe trafikim lëndësh narkotike.
Shërbimet e policisë arrestuan në flagrancë 11 persona që dyshohen si organizatorë. Pronari është një 36-vjeçar, ndërsa gratë që paketonin produktin po hetohen për të kuptuar rolin e tyre në organizatë. Ato ishin kryesisht nga zonat periferike të Tiranës.
2 pistoleta dhe një kallashnikov, 4 makina dhe shumë aparate celularë u sekuestruan përveç lëndës narkotike. Drejtori i Departamentit të Policisë Kriminale në Drejtorinë e Përgjithshme, Neritan Nallbati deklaroi se janë kapur 700 arka me kanabis dhe 8 thasë me boçe kanabisi.
Hetimet po vijojnë, ndërkohë që është ngritur një grup i posaçëm hetimor.
/s.f
