Kryetari i Grupit Parlamentar të Partisë Demokratike, Edi Paloka nga foltorja e Kuvendit publikoi regjistrimin audio të dekanit të Shkencave të Natyrës, Ligor Nikolla, bashkëshort i ministres së Arsimit, Lindita Nikolla, i cili dwgjohet duke kritikuar qeverinë për projektligjin e Arsimit të Lartë.
Duke treguar nga telefoni i tij regjistrimin audio të dekanit Nikolla, Paloka tha se Qeveria nuk arrin të bindë as njerëzit pranë saj me projektligjin në fjalë e jo më shqiptarët.
“Ligor Nikolla, dekan i Shkencave të Natyrës, bashkëshorti i ministres së Arsimit. Qytetarë të dashur, kur këta nuk kanë arritur t’i mbushin mendjen atyre që kanë në shtëpi, imagjinoni se çfarë u servirin shqiptarëve”,deklaroi deputeti i PD-së, Edi Paloka.
