Një aksident i rëndë me 4 viktima është shënuar në orët e para të mëngjesit të sotëm në autostradën Tiranë- Durrës, në Sukth. Viktima mbetën 3 vajza që po shkomin drejt Greqisë dhe një 36-vjeçar nga Durrësi. Ky i fundit sipas hetimeve paraprake rezulton se udhëtonte kundravajtje.
Flasin ekspertët e sigurisë rrugore
Ekspertët rrugor duke folur për “News24” kanë thënë se aksidenti që shkaktoi 4 viktima ka ndodhur për shkak të një gabimi njerëzor. “Ndriçimi i gjithë autostradës nuk është në projekt. Do tregojë hetimi se si Deliallisi u fut në kah të kundërt”, thanë ata.
Familjarët e vajzave në morgun e Durrësit
Pasi janë njoftuar mbi lajmin për aksidentin tragjik, familjarët e 3 vajzave kanë mbërritur në morgun e spitalit të Durrësit për të identifikuar viktimat si dhe për të marrë trupat e tyre të pajetë.
Të zhytur në dhimbje të thellë e tronditje të pashoqe, familjarët e vajzave kanë thënë se 3 të rejat ishin në Greqi për disa ditë pushime. Njëra prej tyre, Izabela Gega, kishte familjen në Greqi ku jetonte prej vitesh.
Ndërsa për 36-vjeçari nga Durrësi, Dashnor Deliallisi, mësohet se ishte emigrant në Itali, i martuar e me dy fëmijë. Nuk është ende e qartë se për çfarë arsye ai po lëvizte në sens të kundërt në autostradë, duke u përplasu me “Benz”-in tjetër ku udhëtonin 3 vajzat, përplasje e cila rezultoi fatale e tragjike.
Më poshtë video e siguruar pak çaste pas aksidentit, kur trupat ende nuk ishin nxjerrë nga mjetet.
