Periudha e verës është një sfidë më vete për qytetarët sa i përket çmimeve të larta dhe mungesës së plazheve publike në vend.
Këtë herë duket se dhe dy turistë të huaj janë përballur me realitetin shqiptar, teksa ishin duke pushuar në një plazh të jugut të vendit. Ata nuk kishin paguar për një shezlong, ndërsa ishin shtrirë në peshqirët e tyre, duke shijuar rrezet e diellit.
Megjithatë, dy persona, të cilët ishin administratorët e plazhit i kanë detyruar të paguajnë për çadrën dhe shezlonget ose të largohen nga plazhi i “tyre”.
Kjo u është dukur e padrejtë turistëve që fillimisht bënë rezistencë. Por pastaj ikën me vendimin ndoshta për të mos u kthyer kurrë në Shqipëri.
Pak ditë më parë policia nisi një aksion duke hequr çadrat nga disa plazhe të vendit, që ishin zënë padrejtësisht nga persona të paautorizuar që u merrnin qytetarëve shifra marramendëse për një çadër..
Shumë negative, 10m. afër ujit nuk është kompetenca e qiramarrësit por e bashkisë.