Protesta e radhës e opozitës para Bashkisë së Tiranës ka nisur me një incident, ku janë përfshirë edhe mundësit e ekipit kombëtar, Zelimkhan Abakarov dhe dyshja Islam Dudaev e Chermen Valiev, të cilët ia dolën të fitonin dy medaljet e para në historinë e Shqipërisë në Lojërat Olimpike të Parisit.
Sportistët dhe stafi i Federatës së Mundjes kanë qenë duke dalë nga dera kryesore e institucionit, kur disa protestues i janë drejtuar me gjuhë agresive dhe fyese.
Mundësit dhe trajneri i tyre ishin duke realizuar disa foto te bashkia, por janë kundërshtuar nga protestuesit e opozitës, të cilët i kanë akuzuar se “po përdoren nga Erion Veliaj”.
Në pamjet e siguruara nga A2 CNN shihet se policia ka krijuar një mur ndarës mes protestuesve dhe mundësve të natyralizuar si shqiptarë, të cilët largohen pas disa momentesh të tensionuara. Sportistët u larguan pasi realizuan fotot pavarësisht kundërshtive të demokratëve.
/a.r
Turp për ata shqiptarë,që në vend t’u thonin “Faleminderit shumë që garuar për flamurin kombëtar shqiptar”,përdorim rrugaçërinë si mjet të vetëm komunikimi…E pafalshme dhe duhet dënuar njëzëri nga opinioni i shëndoshë publik shqiptar.Faleminderit redaksisë së gazetës “Java NEWS”