“Njeriu që doja më bëri prostitutë”
Historia e një 23-vjeçareje shqiptare që u kthye në skllave të seksit, po bën xhiro në mediat britanike. Ajo rrëfen se si i dashuri i saj e mashtroi për një jetë të mirë jashtë Shqipërisë dhe më pas e kthehu në skllave dhe prostitutë rrugëve të Europës.
Në një intervistë për “Belfast Telegraph” ajo identifikohet me pseudonimin Ema, ishte parukiere dhe studente part-time e Ekonomikut në Shqipëri, kur u njoh me një djalë, i cili i premtoi se do ta merrte si stiliste në firmën e tij të modelingut, e cila në fakt nuk ekzistonte.
Ajo pranoi dhe shpejt, i dashuri i saj u shndërrua në tutor, duke e zhvendosur Emën, sa në Gjermani, Itali dhe Shqipëri, duke e përdorur si skllave seksi dhe duke e kyçur në dhoma hoteli. D
uke kujtuar historinë e saj, Ema rrëfen se kur punonte si parukiere kishte një klient. “Ai më fliste për një ide të vetën, për të hapur një agjenci mode. Nuk ishte e vërtetë. Ai më gënjeu. Unë zgjodha të shkoja me të jashtë vendit dhe të nisja një jetë të re. Ajo e kuptoi që në Gjermani se diçka nuk shkonte me të dashurin e saj, i cili përdorte pasaporta dhe dokumente të falsifikuara.
“Nuk mundja dot të arratisesha, pasi ai më kyçte. Gjithnjë kisha një person që më vëzhgonte dhe nuk isha asnjëherë vetëm. Nuk kisha mundësi të arratisesha. Kisha frikë se do t’i bënte diçka familjes sime”, tregon ajo.
Por shansi i arratisjes iu dha, kur policia italiane e gjeti dhe i kërkoi të dëshmonte kundër të dashurit të saj dhe bandës së tij të trafikimit. Por e trembur nga një hakmarrje e mundshme në Shqipëri, Ema vendosi të kalonte kufirin, e fshehur në një kamion për në Britani. Tani ajo gjendet atje, dhe ka marrë përkujdesje në një qendër rehabilitimi për gratë, vajzat dhe fëmijët, viktimë e dhunës dhe trafikimit për qëllime prostitucioni
