Kryeprokurorja e përkohshme Arta Marku, ka nisur jetën e re në kryeqytet. Prej dy javësh Marku është banore e një lagjeje pranë Prokurorisë së Përgjithshme në Tiranë, duke lënë Shkodrën. Pas një vendimi të këshillit të ministrave, për të paguar me 35 mijë lekë qeranë e strehimit për kreun e akuzës, Marku është shpërngulur së bashku me familjen.
Banorët shprehen të pashqetësuar prej zhvendosjes së kreut të akuzës pranë tyre dhe thonë se po të mos ishte për punonjësit e gardës as nuk do të kishin dijeni që jetojnë në një lagje me Markun. Kreu i akuzës thonë banorët, i përshëndet me mirësjellje kur niset me përpikmëri në oraret e punës.
Në orën 7:30 eskorta u nis nga Prokuroria e Përgjithshme në drejtim të banesës së re të kryeprokurores. Vërehet se janë të njëjtët efektiv të paraardhësit të saj në detyrë Adriatik Llalla. Pak minuta pas mbërritjes së tyre Marku zbret për të nisur ditën e zakonshme në vendin e pazakontë të punës duke ruajtur stilin e saj të thjeshtë dhe të qetë.
Ora 8:10 minuta e Kryeprokuroren në zyrën e saj, ku pas një takimi me stafin nis ditën e punës në institucionin më të rëndësishëm në vend./OraNews
