Nuk është rasti i parë dhe as i vetëm që një portier arrin të shënojë gol për skuadrën e tij, por kur ai vjen në minutën e 96 të takimit dhe ka vlerën e barazimit, atëherë merr një tjetër rëndësi. Në kampionatin e Afrikës së Jugut ka ndodhur diçka e rrallë.
Baroka po mundej 1-0 nga Orlando Pirates, kur Masuluke Oscarine la portën për të tentuar barazimin në një goditje këndi. Ky portier shënoi një gol spektakolar me roveshatë dhe me siguri do të jetë kandidat për çmimin “Pushkash” si goli më i bukur i vitit. Dhe festa e çmendur e tij është plotësisht e legjitimuar. /ma.me
