Nard Ndoka tregoi për Euronews Albania se nuk priste që Ilir Meta ta hidhte në TikTok videon që xhiroi me të nga pishina.
Ai tha se u takuan krejt rastësisht dhe u afrua për ta përshëndetur para se të nxirrte telefonin.
“S’kishte ndonjë problem ajo po tani njeriu ka dhe jetën jashtë politike, jetën private, momentet që nuk dëshiron t’i ndajë me të tjerët,” – u shpreh Ndoka i cili shtoi se është kundër ekspozimit të jetës personale në rrjete sociale.
Duket se tashmë edhe politika po gjen shumë përhapje në rrjetet sociale.
Madje edhe pse e paragjykojnë dhe e cilësojnë si një shembull negativ, shumë politikanë shqiptarë po joshen nga kjo.
/e.d
