Ikram Bendjillali është nga Afrika por di të kërcejë shumë mirë vallet shqiptare. Balerina u njoh rastësisht me vallet popullore, nisi t’i mësonte nëpërmjet Youtube, dhe kur erdhi në Shqipëri u kujdes të realizonte video. Në një lidhje me Skype në emisionin e mëngjesit në Abc, balerina tregoi se kishte siguruar një veshje popullore, të cilën e mban veshur dhe në video.
“Dhe në Algjeri kemi diçka të ngjashme. Fillova duke regjistruar video, miqtë me thoshin se duhet të postoj më shumë. Fillova të postoj dhe të rritej numri i njerëzve që më ndiqnin. Fillova të udhëtoj, në Dubai, pastaj në Shqipëri. Shkova te një miku im në Shkodër, m’u duk një vend shumë i këndshëm, nuk kisha planifikuar të kërceja në Shqipëri.
@theafrican.immigrantHere you go Vallja e Tropojes learned some moves online 😂🇦🇱 #shkoder #shkoderalbania🇦🇱 #valljaetropojes #albaniandancing #rozafacastle
Pashë që rrugët ishin shumë të mira dhe mendova se është perfekt për të xhiruar një video, njerëzit reaguan shumë mirë ndaj videos.”, tha ajo. Balerina tregoi mes të tjerash se ishte surprizuar nga mikpritja që i kishin bërë shqiptarët dhe se ishte e dashuruar pas kulturës shqiptare. “Doja t’i kushtoja respekt kulturës dhe e bëra për argëtim.”, tha ndër të tjera ajo.
g.kosovari
