Ekzekutimi i 130 karabinierëve italianë i kryer në mënyrën më konspirative raportohet komandanti i Brigadës së parë Mehmet Shehu dhe komisari politik Tuk Jakova në një dokument të botuar në Shqiptarja.com.
Banorë të zonës tregojnë se në vitin 1943 batalioni i Cermenikës rrethon një autokolonë italiane, e nisur nga Labinoti për në Bizë, të cilët janë ekzekutuar më pas. Megjithëse nuk dinë një shifër të saktë, ata pranojnë se masakra ndaj batalionit Italian ka ndodhur.
Shefqet Kënga, tregon se ngjarjen e ka mësuar në bisedat në fshat dhe se përgjegjës për këtë ishte Kadri Hoxha. Ai jep detaje edhe për vendin ku ishte vendosur Batalioni i Cermenikës ku edhe janë ekzekutuar ushtarët italianë.
88-vjeçari Qazim Kaculi thotë se e kujton shumë mirë pushtimin dhe pranon se ngjarja ka ndodhur.
Shefqet Koci tregon se ishte fëmijë dhe e mban mend mirë pushtimin, dhe sidomos pushtimin gjerman. Ai tregon detaje mbi strehimin dhe ndihmën që ju dha ushtarëve italianë dhe specialistëve që ndërtuan rrugën e Bizës.
Në Orenjë ishte vendosur në periudhën e luftës nacional-çlirimtare Shtabi i përgjithshëm dhe vetë diktatori Enver Hoxha, i cili sipas banorëve ishte në banesën e nënë Zyrajes, e cila theri edhe dhinë e vetme për të.
Fshati Orenjë arrihet me vështirësi dhe e vetmja mundësi është një mjet i lartë përballë gropave të rrugës. Aktualisht ka vetëm 200 banorë, pasi pjesa tjetër janë larguar duke u zhvendosur në Elbasan, Durrës apo Tiranë./a.m.
