Kryeministri kanadez Justin Trudeau, e la homologun belg me krahë hapur dhe takoi fillimisht bashkëshorten e tij.
Trudeau ishte mes liderëve të pranishëm në samitin e NATO-s në Belgjikë.
Ai mbërriti në darkën e liderëve të NATO-s në Bruksel dhe u duk sikur po i drejtohej kryeministrit Charles Michel, i cili kishte hapur krahët.
Por Trudeau puthi dhe përqafoi fillimisht bashkëshorten e Michel, Amélie Derbaudrenghien, ndërsa ai reagoi duke qeshur.
Një video e shkurtër e këtij momenti u shpërnda menjëherë në rrjetet sociale, ku komentet e përdoruesve nuk munguan.
“Është situatë e sikletshme. Drejtohet te zonja dhe injoron burrin që drejton Belgjikën”, shkruan një komentues.
“Le ta pranojmë. Është e dukshem që po bën shaka. Trudeau ka sens humori”, shprehet një tjetër.
“Paksa e pasjellshme të anashkalosh në këtë mënyrë liderin e vendit që ka organizuar eventin”, shkruan një tjetër komentues.
“Drejt e te zonja. Dhe duart i ka pak të gjata”, shkruan dikush tjetër.
a.ç
