Një aksident është shënuar këtë mëngjes në lagjen “10 Korriku” në Vlorë. Korrespondenti i Klan News në Vlorë bën me dije se një automjet është përplasur me pemën dhe koshin e mbetjeve duke u kthyer përmbys.
Dy personat që gjendeshin në makinë janë dërguar në spital për të marrë kujdes shëndetësor. Në vendngjarje policia ka nisur hetimet për të zbuluar rrethanat e aksidentit, por paraprakisht dyshohet se shkak ka qenë shpejtësia në lëvizje.
Sipas informacioneve që ka siguruar gazetari i Klan News dyshohet se drejtuesi ka humbur kontrollin e mjetit.
/a.r
