Një tjetër aksident rrugor ka ndodhur si pasojë e motit të keq. Në Gjirokastër, një makinë ka dalë nga rruga, ndërsa drejtuesi i mjetit ka mbetur i plagosur.
Aksidenti
Një automjet tip “Benz”, si pasojë e ngricave dhe dëborës, ka dalë nga rruga Tepelenë-Dukaj pranë ish-SMT. Në vendngjarje shkuan policia bashkiake, që bëri të mundur nxjerrjen nga mjeti të drejtuesit, i cili u gjet në gjendje shoku. Ai u raportua me urgjencë ne spitalin e Gjirokastrës.
***
Dëbora që ka mbuluar rrugët ka ndikuar në shkaktimin e aksidenteve rrugore.
Mëngjesin e sotëm, në aksin Shkodër-Shiroke-Zogaj, autobusi që bën këtë linjë me transport qytetarësh është batuar, si pasojë e borës dhe ngricave. Incidenti ka ndodhur në afërsi të pikës turistike në Zogaj.
Nga ngjarja në fjalë rrezikoi jetën shoferi por edhe qytetarëve që ndodheshin brenda autobusit, raportoi gazetari i Panorama në Shkodër.
Përveç ngjarjes në Shkodër, dëbora ka shkaktuar edhe bllokimin e një autobusi pasagjerësh në Fushë-Arrëz, raportoi News24.
Për shkak të motit të keq, në disa shkolla në vend është pezulluar mësimi për ditën e sotme.
Në Gjirokastër, një shtëpi në zonën muzeale rrezikon të shembet.
Ndërkohë, ARRSH-së ka njoftuar për rrugët të cilat kalohet vetëm me zinxhirë. /a.meta
