Momenti i arrestimit të Nikolas Cruz, 19-vjeçarit që vrau 17 persona në një shkollë të mesme të Floridës, është xhiruar dhe është postuar në Youtube.
Autori i masakrës u vu në pranga rreth një orë pasi nisi sulmin vdekjeprurës ndaj studentëve dhe stafit të shkollës, nga e cila ishte përjashtuar një vit më parë.
Në video, shihet Cruz duke vendosur duart pas kurrizit në shenjë dorëzimi, ndërkohë që një oficer mban armën e drejtuar te ai, ndërsa kolegu i tij shkon për t’i vënë prangat.
Autoritetet thonë se 19-vjeçari u arrestua pa asnjë incident dhe u dërgua në spital, përpara se të dërgohej në burg.
