Kryeministri Edi Rama e ka nisur këtë të martë me shembullin e një mjeke të re, e cila ka lënë Italinë, për të filluar punë në Tiranë, në ndihmë të pacientëve të prekur nga tumori.
Bëhet fjalë për mjeken onkologe Bianka Shimën, e diplomuar në universitetin e La Sapienza të Romës.
“Me shembullin e doktoreshë Biankës që ka lënë Italinë për të ushtruar shërbimin e saj si profesioniste e specializuar pranë onkologjikut në QSUT, ku me instalimin e akseleratorit të dytë, pacientët trajtohen tanimë me të njëjtin standard dhe efikasitet si në klinikat simotra europiane, ju uroj një ditë të mbarë”, shkruan Rama.
Mjekja sqaron se pas studimeve ka bërë specializim për radioterapi-onkologjike.
“Jam kthyer me shpresën që çdo dije të marrë jashtë, ta sjell në vendin tim dhe të ndihmoj sa më shumë njerëz”, shprehet doktoreshë Shima.
Më poshtë gjeni videon me historinë e mjekes së re e cila i është bashkuar shërbimit onkologjik në Tiranë.