VIDEO/ Mjekët e operojnë në tru, tenori këndon Schubert-in
Një sallë operacioni në Universitetin e Mjekësisë në Utrech të Holandës, është kthyer në teatër. Ambroz Bajec-Lapajne, tenor në Operën Kombëtare të Holandës, i është nënshtruar një ndërhyrje delikate në tru. Gjatë operacionit ai ka kënduar një arie të Schubertit, “Gute Nacht”.
Ngjarja ka ndodhur në vitin 2014, por spitali vendosi që ta publikojë videon vetëm tani. Këngëtari ishte prekur nga një tumor në tru dhe iu nënshtrua kirurgjisë për ta hequr. Gjatë operacionit, pacienti ka qëndruar zgjuar dhe mjekët i kërkuan artistit që të ishte aktiv gjatë ndërhyrjes.
Bajec – Lapajne vendosi që të habisë ekipin e mjekëve me një këngë klasike, me dy tonalitete të ndryshme, për të siguruar shenja njohëse. Pas ca momenteve të mjegullta, tenori këndoi për disa minuta. “ Ishte një ndjejë shumë e çuditshme”, komentoi qetësisht artisti.
