Ecuria e Milan prej 6 ndeshjesh pa fitore ka marrë fund sot pasi “djalli” ka mundur 1-2 në transfertë skuadrën e Bologna-s.
Golat për ekipin e drejtuar nga Gatusso erdhën të dy në pjesën e parë, me Calhanoglu që fillimisht zhbllokoi rezultatin dhe Bonaventura-n më pas që dyfishoi. Në fraksionin e dytë të lojës miqtë shkurtuan diferencat me De Maio, por nuk arritën të bënin më shumë se kaq për të dalë me pikë nga kjo sfidë.
Fitore ka marrë edhe Atalanta e Berishës në javën e 35 të “Seria A”. Skuadra e drejtuar nga Gasperini ka mundur në shtëpi me shifrat 3-1 Genoa-n. Bergamaskët nuk e vunë asnjëherë në dyshim fitoiren, teksa në minutën e 74-r ishin në avantazhin e 3 golave.
Velosso për miqtë shënoi golin e nderit, por që vlente sa për statistikë. Me këtë fitore Atalanta renditet e 6-a, duke lënë pas Milanin me 1 pikë. Pozicion ky që të çon në “Europa League” sezonin e ardhshëm.
Për t’u evidentuar është edhe fakti që këtë javë në “Seria A” ka patur lumë golash, plot 27 në vetëm 6-t sfida. (BW)
Renditja e “Seria A”
